|
Njarðarkenningar
6. Hvernig skal kenna Njörd? Svá, at kalla
hann Vana-guð eða Vananið eða Van ok föður Freys
ok Freyju, fégjafa guð. Svá segir Þórðr
Sjáreksson:
Varð sjalf suna,
nama snotr una,
Kjalarr of tamði,
kváðut Hamði,
Goðrún bani,
goðbrúðr Vani,
heldr vel mara,
hjörleik spara.
Hér er þess getit, er Skaði gekk frá
Nirði, sem fyrr er ritat.
© 2005 Alfaleith.org. Alfaleith™ is a service mark and trademark
of Alfaleith.org. • Web site design by Golden
Boar Creations. |