Please Visit Our Sponsors

• Odin's Journey
• Pagan T-shirts
• Wiccan T-shirts
• Northvegr Foundation
• Divorce Lawyer
• Prenuptial Agreements
• Viking T-shirts
• Ontario Divorce
• Divorce Ottawa
• Legal Separation
• Marriage Counseling
• Chess Strategy
• Heathen T-shirts
• Golf Clubs
• Vegan Recipes
• Work At Home Moms
• Web Directory
• Occult T-shirts
• Webmaster Directory

Frá Niflheimi ok Múspelli.

4. Gangleri mælti: "Hvat var upphaf eða hversu hófst eða hvat var áðr?"

Hárr svarar: "Svá sem segir í Völuspá:

Ár var alda
þat er ekki var,
var-a sandr né sær
né svalar unnir;
jörð fannsk eigi
né upphiminn,
gap var Ginnunga,
en gras ekki."

Þá mælti Jafnhárr: "Fyrr var þat mörgum öldum en jörð var sköpuð er Niflheimr var gerr, ok í honum miðjum liggr bruðr sá, er Hvergelmir heitir, ok þaðan af falla þær ár, er svá heita: Svöl, Gunnþrá, Fjörm, Fimbulþul, Slíðr ok Hríð, Sylgr ok Ylgr, Víð, Leiftr. Gjöll er næst Helgrindum."

Þá mælti Þriði: "Fyrst var þó sá heimr í suðrhálfu, er Múspell heitir. Hann er ljóss ok heitr, sú átt er logandi ok brennandi.  Er hann ok ófærr þeim, er þar eru útlendir ok eigi eigu þar óðul. Sá er Surtr nefndr, er þar sitr á landsenda til landvarnar. Hann hefir loganda sverð ok í enda veraldar mun hann fara ok herja ok sigra öll goðin ok brenna allan heim með eldi. Svá segir í Völuspá:

Surtr ferr sunnan
með sviga lævi,
skínn af sverði
sól valtíva;
grjótbjörg gnata,
en gífr rata,
troða halir helveg,
en himinn klofnar."

© 2005 Alfaleith.org. Alfaleith™ is a service mark and trademark of Alfaleith.org. • Web site design by Golden Boar Creations.